जिल्ला कपिलबस्तु पानीको नाला सफा गर्ने विषयमा कुटाकुट हुँदा एक जनाको मृत्यु भएको छ र थप दुई जना घाइते भएका छन्।
प्रदेश प्रहरी प्रवक्ता एसएसपी राजकुमार बैदवरा अनुसार मायादेवी गाउँपालिका वडा नं. ८ निवासी ७० वर्षीय हरिराम पासीको मृत्यु भएको र कुटपिटबाट ६० वर्षीया सुभावती पासी र २० वर्षका सोनु पासी घाइते भएका छन्। निजहरुको टाउको तथा शरीरका विभिन्न भागमा चोटपटक लागेको र भैरहवामा उपचार जारी रहेको एसएसपी बैदवारले बताए।
मृतक हरिराम र घाइते सोनुसँग स्थानीय २२ वर्षीय अनिल चमारकाे आइतबार दिउँसो पौने ३ बजेतिर पानीको नाला सफा गर्ने विषयमा झै- झगडापछि कुटाकुट भएको थियो।
सो झगडापछि ६१ वर्षीय बेकर चमार, ६४ वर्षीया चुकुनी चमार, १९ वर्षीया माया चमार, २५ वर्षीया सरिता चमार र ३० वर्षीय बिजय चमार पनि संलग्न भइ पासी परिवारलाई निर्घात कुटपिट गरेकाे आराेप छ।
कुटपिटमा संलग्न सबैलाई नियन्त्रणमा लिएर आवश्यक अनुसन्धान भइरहेको एसएसपी बैदवारले जानकारी दिए।
