असोज १ देखि अन्तर जिल्ला यायायात र आन्तरिक उडान सञ्चालनमा आउने

१५ भाद्र २०७७, सोमबार

सरकारले आउदै गरेको दशै तिहार जस्ता चाडपर्वलाई मध्यनजर गरेर अन्तर जिल्ला र लामो दूरीका यातायातका साधन असोज १ देखि सञ्चलनमा ल्याउने निर्णय गरेको छ ।

आइतबार बसेको मन्त्रिपरिषद्को बैठकको निर्णय सार्वजनिक गर्दै सरकारका प्रवक्ता डा. युवराज खतिवडाले जानकारी दिएका छन् ।

यसअघि भदौ १६ गतेदेखि अन्तर जिल्ला र लामो दूरीका यातायातका साधन सञ्चालन गर्ने निर्णय भएको भएपनि कोरोनाको जोखिम कायमै रहेकाले असोज १ गतेसम्मका लागि सारिएको खतिवडाले बताए ।

यस्तै आन्तरिक हवाइ उडान पनि असोज १ देखि नै सञ्चालनमा आउने उनले बताए ।सरकारले पहाडका केही जिल्लामा हवाई उडानका लागि यसअघि नै निर्णय गरेको थियो ।