पाटनको मुडभेडमा संलग्न १८ प्रहरीमा कोरोना पुष्टि

१९ भाद्र २०७७, शुक्रबार

विराटनगर । भदौ १९

काठमाडौं उपत्यकामा कार्यरत ५६ जना प्रहरीमा कोरोना भाइरसको संक्रमण पुष्टि भएको छ ।  

संक्रमितम्धये बिहीबार ललितपुरको पुल्चोकमा भएको झडप नियन्त्रणमा खटिएका १८ प्रहरी समेत देखिएका छन् । बिहीबार रातो मत्स्येन्द्रनाथको रथ स्वस्फूर्त रूपमा तान्न खोज्ने युवालाई प्रहरीले रोक्न खोज्दा झडप भएको थियो ।

भिड नियन्त्रण गर्न खटिएका ललितपुर प्रहरी परिसर र सातदोबाटोका १८ जनामा संक्रमण पुष्टि भएको प्रहरी स्रोतले बताएको छ । सरकारले कोरोना परीक्षणका लागि स्वाब दिएपछि आइसोलेसन बस्नुपर्ने नियम बनाएको छ । तर ती प्रहरीलाई स्वाब दिएपछि पनि भिड नियन्त्रणमा खटाएको पाइएको छ ।

त्यसैगरी ललितपुर ट्राफिक प्रहरी कार्यालयका १५ जना, महानगरीय प्रहरी परिसर, काठमाडौंका १५ प्रहरी र महानगरीय प्रहरी कार्यालय, रानीपोखरीका ८ जनामा पनि कोरोना संक्रमण पुष्टि भएको छ ।