नेप्सेले सेयर लगानीकर्तालाई दियो नयाँ सुविधा

२३ भाद्र २०७७, मंगलवार

सेयर  कारोबार  बढाउने  उद्देश्यले  नेपाल  स्टक एक्सचेन्ज(नेप्से) ले  सेयर  बजारमा  नेटिङ  सुविधा  उपलब्ध  गराएको  छ । नेटिङका  माध्यमबाट  एकै  दिन  सेयर  किन्ने  र बेच्ने  दुवै  काम  गर्न  सकिने  छ ।

यसअघि  सेयर  बिक्री  गरेको  तेस्रो  दिन  मात्र  सो  रकमबाट अर्को  सेय र किन्ने  व्यवस्था  रहेकोमा  अब  एउटा  सेयर  बेचेकै  दिन  अर्को  सेयर  किन्न  लगानीकर्ताले  पाउने  भएको नेप्सेका  प्रमुख  कार्यकारी  अधिकृत  चन्द्रसिंह  साउदले  बताए । उनका  अनुसार  यसअघि  यो  सुविधा  ब्रोकरले  मात्र  पाउने गरेका  थिए ।

यसअघि  बिक्री  गरेको  सेयरको  रकम  चौथो  दिन  मात्र  पाइने  तर  खरिद  गरेको  मूल्य  भने  दोस्रो  दिन  नै  तिर्नुपर्ने बाध्यता  रहेको  थियो ।

नेप्सेका  वरिष्ठ  सूचना  प्रविधि  अधिकृत  प्रभाकर  घिमिरेका अनुसार  लगानीकर्ताले  टिएमएसबाट  नेटिङ  सुविधा  पाउने भएका  छन् ।  यसबाट  सेयर  खरिद  बिक्रीको  हिसाब-किताब स्वतः  प्राप्त  गर्न  सकिने  छ ।  आधुनिक  प्रविधि  भित्रिएपछि सेयर  कारोबारमा  वृद्धि  हुने  अनुमान  गरिएको छ ।