भारतकाे राजधानी दिल्लीमा ८६ वर्षीया वृद्धा बलात्कृत

२५ भाद्र २०७७, बिहीबार
सांकेतिक तस्वीर

नयाँ दिल्ली । भदाै २५

भारतको राजधानी नयाँदिल्लीमा ८६ वर्षीया एक वृद्धा बलात्कृत भएकी छन् । उनलाई बलात्कार गरेको आरोपमा सोमबार साँझ ३२ वर्षीय सोनु नाम गरेका एक पुरुष पक्राउ परेका छन् ।

समान लिन बजार जान गाडी पर्खिरहेकी  ८६ वर्षीया महिलालाई ती पुरुषले एकान्त चौरमा लगेर बलात्कार गरेका थिए । प्रहरी अनुसन्धानका अनुसार वृद्धाले केही पर पुगेर पैसा ल्याउनुपर्ने थियो । सोही क्रममा सोनुले वृद्धालाई मोटरसाइकलमा आफ्नो साथ जान आग्रह गरेका थिए । उनीसँथै गएकी ती वृद्धा चिच्याउँदै गर्दा छिमेकीले सुनेर प्रहरीलाई बोलाएका थिए ।

सोनुलाई प्रहरीले घटनास्थलबाटै पक्राउ गरेको भारतीय मिडियाले जनाएका छन् । वृद्धाको शरिरमा चोटपटक समेत लागेको छ । भारतको कानुन अनुसार पटक पटक बलात्कार गरेको, सामूहिक बलात्कार वा नावालिगलाई बलात्कार गरेको जस्ता घटनामा दोषीलाई मृत्युदण्डको सजाय दिइन्छ ।

-एजेन्सी