म्याजिक वासर लण्ड्रि एण्ड सर्भिसेजले महानगरको केहि स्थानमा निःशुल्क सेनिटाइज गर्ने

२९ भाद्र २०७७, सोमबार
विराटनगर । भदाै २९
विराटनगर महानगरपालिका वडा नं ७ मिलन चौकमा रहेको म्याजिक वासर लण्ड्रि एण्ड क्लीनिंग सर्भिसेज प्रा.लि.ले आफ्नो पहिलो बार्षिक उत्सवको उपलक्ष्यमा सप्ताहव्यापी कार्यक्रम गर्ने भएकाे छ । जसअन्तर्गत विराटनगर महानगरका विभिन्न ठाउँमा सेनिटाइज र डिईन्फेक्सन गर्ने प्रालीकाे तयारी छ । कम्पनीको वार्षिकोत्सवको अवसरमा भाद्र २७ देखि असोज ४ गतेसम्म सेनिटाइज र डिईन्फेम्सन गरिने भएकाे हाे ।
विराटनगरका केही सक्रिय युवाहरूकाे समूहले २०७६ असोज २  गतेदेखि संचालन गरेकाे वासर लण्ड्रि एण्ड क्लीनिंग सर्भिसेजले एक साताका लागि विराटनगरका विभिन्न ठाउँमा सेनिटाइज र डिइन्फेक्सन गर्ने प्रालीका सञ्चालक नोमास चापागाँइले जानकारी दिए ।
चापागाँइका अनुसार कम्पनीको बार्षिक उत्सवको अवसर पारेर लायन्स क्लब अफ विराटनगर डाईनो तथा साईनो दुवैकाे सहकार्यमा विराटनगरका मूख्य चाेक तथा बजार वरपर गरिने भएको हाे । कोरोना संक्रमितको घर- घरमा पनि सेनिटाईज र डिईन्फेक्सन गर्ने तयारी रहेको चापागाईले जानकारी दिएका छन्  ।
वार्षिक उत्सवको अवसरमा वासर लण्ड्रिबाट कुनै  कपडा वास गराए बापत २० प्रतिशतसम्म विशेष छुटको व्यवस्था समेत गरिने वासर लण्ड्रि एण्ड सर्भिसेज प्रालिले बताएकाे छ।

आगामी असोज २  गतेदेखि कम्पनीले विराटनगरका पुष्पालल चौक, टंकीसुनवारी, पोखरीया र हस्पिटल चौकमा समेत क्लाेथ कलेक्शन सेन्टर संचालन पनि गर्ने भएको छ । विराटनगरमा म्याजिक लण्ड्रि एण्ड वासर क्लीनिंग सर्भिसेज प्रा लि ले सुपथ मूल्यमा वासिङ मेसिनद्धारा लुगा धुने काम गर्दै आएको छ ।