विराटनगरका मेयर पराजुली क्वारेन्टाइनमा

३० भाद्र २०७७, मंगलवार

विराटनगर, भदौ ३०

मोरङको विराटनगर महानगरपालिकाका मेयर भीम पराजुली गते आइतबारदेखि विराटनगरकै मेनरोडस्थित जैन भवनमा क्वारेन्टाइनमा बसेका छन् ।

महानगरका प्रमुख प्रशासकीय अधिकृत इन्द्रमणी पोख्रेल र आफ्ना सुरक्षा गार्डलाई कोरोना संक्रमण पुष्टि भएपछि जोखिमका कारण क्वारेन्टाइनमा बसेको भन्दै मेयर पराजुलीले आफ्नो पीसीआर परिक्षण गराउने बताएका छन् ।

कोरोना संक्रमणका कारण महानगरपालिकाले अत्यावश्यक बाहेकका सबै सेवा पाँच दिनका लागि बन्द गरेकाले अधिकांश कर्मचारी होम क्वारेन्टाइनमा रहेका छन् ।।।