शेयर वितरण गर्न लागेकाे जनरल इन्स्योरेन्सकाे यस्ताे छ वित्तीय अवस्था

३१ भाद्र २०७७, बुधबार
सांकेतिक तस्वीर

विराटनगर । भदाै ३१

नेपाल धितोपत्र बोर्डबाट आईपीओ निष्काशनको अनुमति पाएसँगै जनरल इन्स्योरेन्सले सर्वसाधारणलाई शेयर निष्काशन तयारीमा छ ।

IPO निकाष्शन गर्न लागेको यो कम्पनीको वित्तिय अवस्था कस्तो छ भन्नेबार भने कमै लगानीकर्ता जानकार छन् ।

कम्पनीको वित्तीय अवस्था यस्ताे छ-

कम्पनीले गत आ.ब.मा अघिल्लो आवको भन्दा ३९ प्रतिशत बढी नाफा कमाएको छ । कम्पनीले गत आवमा ५ करोड ६ लाख नाफा कमाएको छ । अघिल्लो आवमा भने कम्पनीले ३ करोड ६२ करोड लाख नाफा कमाएको छ । हाल कम्पनीको चुक्तापुँजी भने ७० करोड रहेको छ । आईपीओ निष्काशन पछि कम्पनीको चुक्तापुँजी १ अर्बको पुग्ने छ ।

यस्तै, कम्पनीको प्रतिशेयर नेटवर्थ  रू. ११४.६८ छ । गत आवसम्म कम्पनीको जगेडा कोषमा रू. ४ करोड ६६ लाख र बीमा कोषमा रू. ५ करोड १० लाख जम्मा गरेको छ । अघिल्लो आवमा उक्त कोषमा रु. २ करोड ८६ लाख थियो ।

यस्तै, बीमा शुल्क तर्फ पनि कम्पनीको सफलता देखिएको छ । कम्पनीले गत आवमा रू. ५३ करोड ६९ लाख बीमाशुल्क आर्जन गरेको छ । जुुन अघिल्लो आवको तुलनामा ६१ प्रतिशतले बढी हो । अघिल्लो आवमा कम्पनीले ३३ करोड २५ लाख बीमाशुल्क संकलन गरेको थियो ।  यस्तै, कम्पनीको प्रतिशेयर आम्दानी ७.२३ रुपैयाँ रहेको छ ।