विराटनगरका ५८ सहित प्रदेशभर १६६ जनामा संक्रमण, नेपालभरकाे संक्रमण दर अहिलेसम्मकै उच्च

२ आश्विन २०७७, शुक्रबार

विराटनगर । असाेज २

गत २४ घण्टामा प्रदेश १ मा १ सय ६६ जना कोरोना संक्रमित थपिएका छन् ।

सामाजिक विकास मन्त्रालयका अनुसार विराटनगरमा ५८ जनामा संक्रमण देखिएको छ । संक्रमित हुनेमा २५ महिला र ३३ पुरुष छन् । मोरङको बुढीगंगामा ३ महिला र १ पुरुष, जहदा र कटहरीमा ७ महिला ८ पुरुष, सुन्दरहरैचामा १ महिला र १ पुरुष, लेटाङमा १ पुरुष, रतुवामाई, रंगेलीमा १र महिला, धनपालथानमा १ महिला २ पुरुष, बेलबारीमा १ महिला छन् । बेलबारीकी १ महिला, ग्रामथानमा १ पुरुष, सुन्दरहरैंचामा १ पुरुष र स्थानीय तह नखुलेका ३ महिला र ६ पुरुषको रिपोर्ट पोजेटिभ आएको मन्त्रालयले जनाएको छ ।

उता सुनसरीको धरानमा १ महिला र ८ पुरुष, इटहरीमा ७ महिला र २५ पुरुष छन्। झापाको शिवशताक्षीमा ३ महिला र ४ पुरुष, कनकाईमा १ पुरुष गरी जम्मा १६६ पुगेका हुन्। याेसँगै प्रदेश १ मा कोरोना संक्रमितको संख्या ५ हजार  ४ सय ३७ पुगेको हाे ।

प्रदेशभरबाट १९२ जना डिस्चार्ज भएका छन् । डिस्चार्ज हुनेको संख्या २ हजार ४ सय ३२ पुगेको छ । शुक्रबार ६ सय ६९ जनाको पीसीआर परीक्षण भएको छ । कूल मृतककाे संख्या  ५३ पुगेकाे छ ।

त्यस्तै नेपालमा एकै दिन कोरोना संक्रमितको संख्या २ हजारभन्दा बढी देखिएकाे छ । स्वास्थ्य तथा जनसंख्या मन्त्रालयका अनुसार गत २४ घण्टामा २०२० संक्रमित भेटिएका हुन् ।

नेपालमा तेस्राे तहकाे संक्रमण सुरु भएकाे भन्दै स्वास्थ्यविद्हरूले चिन्ता व्यक्त गरेका छन् ।