ओम्नीलाई कालाेसूचिमा राखेकाे निर्णय कार्यान्वयन नगर्न सर्वाेच्चकाे अन्तरिम आदेश

१२ आश्विन २०७७, सोमबार
फाइल तस्वीर

विराटनगर । असाज १२

सर्वोच्च अदालतले ओम्नीलाई कालाेसूचिमा राखेकाे निर्णय कार्यान्वयन नगर्न अन्तरिम आदेश जारी गरेको छ । न्यायाधीश पुरुषोतम भण्डारीको एकल इजलासले स्वास्थ्य सामग्रीमा अनियमितता र विवादमा तानिएको ओम्‍नीकै पक्षमा सोमबार अन्तरिम आदेश जारी गरेको हो ।

सरकारले कालोसूचीमा राख्‍ने निर्णय गरेपछि सोविरुद्ध सञ्चालक पारस केसीले सर्वोच्चमा रिट दायर गरेकाेमा  ओम्‍नीलाई कालोसूचीमा राख्‍ने सरकारको निर्णय तत्काल कार्यान्वयन नगर्ने आदेश गरेको हाे ।

गत असोज ९ गते ओम्‍नी कातर्फबाट सर्वोच्चमा रिट परेकाे थियो ।