Logo

बाँदरबाट बाली जोगाउन वनमै फलफूल खेती

Logo 2020-09-29 09-09    अभिमन्यु अभिजित

 विराटनगर। असोज १३

महोत्तरीको बर्दिबास नगरपालिकामा बाँदहरूले कृषकका बाली नष्ट गरेको भन्दै तिनीहरूबाट जोगाउन वनमै फलफूल रोपिने भएको छ।

बर्दिबास १ चिहानडाँडामा रहेको सामुदायिक वन उपभोक्ता समितिले उक्त निर्णय गरेको बताएको छ। फलफूल रोपिएपछि बाँदर वनमै अलमलिने र बाली जोगाउन मद्दत पुग्ने उपभोक्ताहरूको विश्वास छ।

यही बितेको बर्खामा करीब पाँच सय बिरुवा रोपिसकिएको र प्रत्येक बर्ष सो क्रम बढाउँदै लगिने उपभोक्ता समितिका अध्यक्ष घनश्याम न्यौपानेको भनाइ छ। अम्बा, अमला, जामुन, महुवा लगायत बिरुवाहरू रोपिएको छ।

बर्दिबास चैकबाट उत्तर पूर्वी भागमा रहेको सो वन करीब ४५ हेक्टरमा फैलिएको र योभन्दा पहिले पनि बाँसका हजारौं झ्याङ्ग हुर्किएको र फलफूलका बिरुवा पनि बढ्दै गएपछि जीवजन्तुको वागि वनमै आहारा पुग्ने न्यौपानेको ठहर छ।

यद्यपि बर्खामा भूक्षय र हिउँदमा लाग्ने डढेलोको पीर भने छँदैछ। बढ्दो शहरीकरणले गर्दा जंगल मासिने क्रम बढेको र वन्यजन्तुले गाउँ बस्तीमा पस्नुपर्ने बाध्यता बढेको छ। घना जंगलको लागि प्रसिद्ध महोत्तरी जिल्लामा विभिन्न कारणले वन मासिने क्रम भने जारी छ।


लोकप्रिय छुटाउनुभयो कि ?