मोरङमा मोटरसाइकलको ठक्करबाट सशस्त्रका असइको मृत्यु

१८ आश्विन २०७७, आईतवार

विराटनगर । असोज १८

मोरङको बुढीगंगा-१ को कोशी राजमार्गमा मोटरसाईकलको ठक्करबाट सशस्त्र प्रहरीका प्रहरी सहायक निरीक्षकको मृत्यु भएको छ ।

गएराती लु ६१ प २५०२ नम्बरको मोटरसाईकलले सडकमा पैदल हिँडिरहेका प्रहरी सहायक निरीक्षक कमलप्रसाद तावाहाङलाई ठक्कर दिँदा गम्भीर घाइते भएका उनको उपचारको क्रममा मृत्यु भएको जिल्ला प्रहरी कार्यालय मोरङले जनाएको छ ।

सशस्त्र प्रहरी बल पाँचथरमा कार्यरत तावाहाङ हाल बिदामा घर आएका थिए । उनलाई ठक्कर दिने मोटरसाईकल नियन्त्रणमा लिइएको छ भने चालक भने फरार रहेकोले खोजी भइरहेको प्रहरीले जनाइएको छ ।

ठक्करबाट गम्भीर घाइते भएका उनको विराट मेडिकल कलेजमा उपचारको क्रममा आइतबार बिहान १ बजे मृत्यु भएको जिल्ला प्रहरी कार्यालय मोरङले जनाएको छ ।