एउटा सच्चा कविको मलामी बनेर रुने लाखौं आँखाहरू हुन्छन् !

२३ आश्विन २०७७, शुक्रबार

प्रस्तुत कवितांश कवि हिरा भट्टकाे गुट गुफा कविताबाट समुद्धरण गरिएकाे हाे । पश्चिम बैतडीकाे पञ्चेश्वर-६,बिजुलमा वि.सं. २०३९/०६/२५ मा जन्मिएका कवि भट्ट हाल बुटवल,रुपन्देहीमा जागिरे जीवन बिताइरहेका छन् । हालसम्म कुनै कविता कृति प्रकाशन नगरेर पनि छन्द कवितामा चर्चा बटुलेका कवि भट्टले हिराकाे हताैडा बिम्बात्मक नारा अघि सारी समसामयिक बिषयमाथि हिर्काउने गर्छन् । करीब डेढ दर्जन जति कविता लेखेर परिचय बनाएका कवि भट्टले महाकाव्य तथा खण्डकाव्यकाे पाण्डुलिपि तयारी गरिरहेका छन् । 

उनै कवि हिरा भट्टलाई हाम्राे विराटनगरकाे साप्तहिक श्रृङ्खला स्रष्टा र साहित्यकाे बसाइमा भलाकुसारीका लागि निमन्त्रण गरिएकाे छ ।

हाम्राे विराटनगरका संपादक अभिमन्यु अभिजितले वहाँसँग गर्नुभएकाे शुक्रबार-संवादकाे संपादित अंश –

प्रश्न १. आराम मंगल हुनुहुन्छ? दिनहरू कसरी बिरहेका छन्?

२. तपाईंलाई कवि भनेर मुक्तकण्ठले पढ्नेहरू पूर्वतिर पनि असंख्य मात्रामा छन्। आफूलाई कसरी चिनाउनु हुन्छ?

३. हिराको हतौडा भनेर तपाईं चोटिला शब्दहरूले कसैलाई ठटाइरहनुहुन्छ। "छोटा भाइ इन्डिया" वाला कविता खुब चर्चित भयो। यसको पृष्ठभूमि कसरी तयार भयो?

 

४. कविता रसानुभूतिको माध्यम नभएर समाजलाई झक्झकाउने साधन पनि रहेछ। चर्चा कमैले पाउँछन्, यो संयोग हो कि कमजोरी?

 

५. युवाहरूमा विस्तारै छन्दको प्रभाव बढ्दो छ भने गद्यमा लेख्नेहरू पनि उत्तिकै मात्रामा छन्। गद्य कविताका बिषयमा यहाँको धारणा के छ?

 

६. तपाईंको कविताका बिषयमा आगामी यात्रा के हुनसक्ला?

 

७. कविता लेख्दै गर्दा तपाईंले पाएका प्रतिक्रिया र हिरा भट्टबाट अरूले पाउने सन्देश के हुनसक्ला?

८. कविता कोरिए बापत के पाइयो जस्तो लाग्छ जीवनमा? हर कोही कविता लेखेर बाँच्छु भन्यो भने सकिएला?

 

९.छन्द कवितामा जीवन बिताएका अनेक स्रष्टा नेपालले पाएको छ। तपाईंले सम्झनु पर्दा कस्को नाउँ अघि आउँछ?

 

 

१०. अन्तिममा मैले छुटाएको र हजुरले थप्नुपर्ने केही छ कि?

 

समकालीन कविताको क्षेत्रमा व्याप्त एउटा महामारीलाई कविता मार्फत सम्बोधन गरिएकाे कविता -

छन्द: शार्दूलविक्रीडित

-------- गुट गुफा ----------

डिग्री डाक्टरको लिई कलमको टुप्पो बिरामी रहे

सस्ता शब्द बजार भाउ नमिली घर्रातिरै थन्किए

पैँचोमा जुन मिल्दछन् निरस ती खादा र माला गन

संस्था खोल अनेक शब्दगुटका अध्यक्ष आफू बन ।१।

 

सक्दैनौ जब गोरु जोत्न गुटका काला गुफामा पस

बोका जोत र ऐतिहासिक भनी ढ्याङ्ग्रो ठटाई बस

हार्छन् राष्ट्रिय खेलसम्म नपुगी तिम्रा जसै पाइला

अन्तर्राष्ट्रिय खेल जित्छु म भनी छाती फुला माइला ।२।

 

मार्दैछौ गुटभित्र सूक्ष्म कमिला भन्छौ सिकारी बनेँ

निर्धो हो भन सामु ढाल्दछ सिधै राँगो कसैले भने

जो बुच्चो क्षमताविहीन गुटमा पस्दै बन्यो ऊ हिरो

लागे लस्कर लामबद्ध उसकै तालीहरू ओइरो ।३।

 

देखिन्छन् मणितुल्य पित्तलहरू छोपिन्छ सच्चा मणि

आना अक्षर-खेतभित्र महँगा बिक्छन् बिघा टिप्पणी

जो हो लेखक पत्रकार छ उही आफैँ समालोचक

आफ्नै डम्फु बजाउँदैछ उसले छन् नृत्य झन् रोचक ।४।

 

ताली पाउँछ मख्ख पर्छ गमला रोपेर झुक्ने लता

रोप्छन् अक्षर जो बिघा जमिनमा ती रोज्दछन् मौनता

ऐना भन्छ वसन्त आगमनमा चल्नेछ चर्को हुरी

फुस्केला कस कन्दनी बल गरी ए जालकी माकुरी ।५।

 

------------