दुईमहिना व्याज नतिर्दा एनआईसी एशिया बैंकले घर कव्जा गर्यो !

२६ आश्विन २०७७, सोमबार

बैंकिङ खबर । एनआईसी एशिया बैंकको लहान सिराहामा एक संस्थाको नाममा रहेको करिव ३ लाख रुपैयाँ एनआईसी एशिया बैंकले खातावालालाई थाहै नदिई रकम निकालेको समाचार बैंकिङ खबरमा प्रकाशन भएपछि एनआईसी एशिया बैंकबाट पीडीत भएका दर्जनौ व्यक्तिहरुले उक्त बैंकबाट ठगिएको र आफूहरुले निकै तनाव भोग्नुपरेका सूचनाहरु बैंकिङ खबरलाई पठाउन थालेका छन् । हामीलाई प्राप्त दर्जनौ ती पीडीत व्यक्तिहरुका पीडामध्येको एउटा व्यथा आजको प्रकाशनमा समेटेका छौं । जसमा एनआईसी एशिया बैंकले राम्रो घर कव्जा गर्ने रणनीति बनायो । फलस्वरुप बैंकले लकडाउनकै बेला ऋण तिर्न व्यबसायीलाई बारबार फोन गर्ने र पत्र काट्ने गरेर टर्चर दिएको थियो । 

एनआईसी एशिया बैंकले पुनरकर्जा दिएर संरक्षण गर्नुपर्ने (ऋणी) उद्यमीलाई उठीबास लगाउनेगरी घर लिलामको पत्र थमाएको छ । जसको तनावमा यी उद्यमी यतिबेला ठुलो पीडामा परेका छन् । एकातिरको राष्ट्र बैंकको निर्देशन र अर्कातिर बैंकको व्यबहार उनले प्रत्यक्ष भोगेका छन् । बैंकले पुनरकर्जा दिनुपर्ने ग्राहकहरुलाई राम्रो घर देखेरै लिलामको प्रकृया भकाभक अगाडि बढाएको छ । बैंकका शाखा प्रमुखले बैंकिङ खबरसँग भने ‘माथिबाट निर्देशन आउँछ, केन्द्रीय कार्यालयको निर्देशन मान्नै पर्छ, नत्र जागिर जान्छ, लिलाम प्रकृया अगाडि बढाउँदा विरोध हुन्छ, तर हामी बाध्य छौं’