विराटनगर । विराटनगर ५ मा अवस्थित दिल्ली पब्लिक इन्टरनेसनल स्कुलले बुधबार देखि इन्टर–स्कुल फुटबल रनिङ कप २०८२ आयोजना गर्ने भएको छ। तेस्रो संस्करणका रूपमा हुन लागेको यस प्रतियोगितामा कोशी प्रदेशका ९ र भारतको १ गरी जम्मा १० विद्यालय सहभागी हुनेछन्।
विद्यालयले विद्यार्थीलाई खेलकुदको माध्यमबाट सर्वाङ्गीण विकास गराउने उद्देश्यले विभिन्न खेलकुद तथा सांस्कृतिक कार्यक्रमहरू नियमित रूपमा आयोजना गर्दै आएको जनाएको छ। प्रतियोगिता दिल्ली पब्लिक स्कुलको खेल मैदानमा सञ्चालन हुनेछ, जहाँ कक्षा १० सम्म अध्ययनरत विद्यार्थीहरूले सहभागिता जनाउन पाउनेछन्।
बिज्ञापन
प्रतियोगितामा सनसाइन बोर्डिङ स्कुल, बिकेबिएम स्कुल, माउन्ट जेउम स्कुल (भारत), दिल्ली पब्लिक स्कुल, कोशी मोडेल स्कुल, अर्पण स्कुल, गोदावरी स्कुल, आरम्भ विद्या मन्दिर सुनसरी, निधि सेकेन्डरी स्कुल झापा र एजलिया स्कुलबीच प्रतिस्पर्धा हुनेछ।
खेल संयोजक सुमित डंगोलका अनुसार प्रतियोगितामा सहभागी हुन प्रत्येक विद्यालयले ६ हजार रुपैयाँ प्रवेश शुल्क बुझाउनुपर्नेछ। विजेता र उपविजेता टोलीलाई ट्रफी, मेडल तथा प्रमाणपत्र प्रदान गरिनेछ।
बुधबार हुने उद्घाटन खेलमा आरम्भ विद्या मन्दिर झापा र निधि सेकेन्डरी स्कुल सुनसरीबीच प्रतिस्पर्धा हुनेछ। खेलाडीको उमेर समूहलाई मध्यनजर गर्दै प्रत्येक खेल ३०–३० मिनेटको हुनेछ।
प्रतियोगिताको फाइनल खेल पुस ७ गते दिल्ली पब्लिक स्कुलकै खेल मैदानमा हुने आयोजकले जनाएको छ।
यसअघि सम्पन्न प्रतियोगिताको पहिलो संस्करणको उपाधि मोडर्न एराले जितेको थियो भने दोस्रो संस्करणको विजेता आयोजक दिल्ली पब्लिक स्कुल बनेको थियो।
शनिबार, भाद्र ०६, २०८३
शुक्रबार, भाद्र ०५, २०८३
