बीपीमा थप ३ जना संक्रमितको मृत्यु

१० कार्तिक २०७७, सोमबार
सांकेतिक तस्वीर

१० कात्तिक, बिराटनगर ।

बीपी कोइराला स्वास्थ्य विज्ञान प्रतिष्ठानमा उपचारत ३ जनाको कोरोना भाइरस संक्रमणका कारण मृत्यु भएको छ ।

इटहरी उपमहानगरपालिका सुनसरीका ७९ वर्षका पुरुष, मोरङको पथरी शनिश्चरेका ६३ वर्षका पुरुष र धरान उपमहानरगपालिकाकी ८३ वर्षकी महिलाको मृत्यु भएको प्रतिष्ठानले जनाएको छ ।

कात्तिक ६ गते इटहरीका ७९ वर्षका पुरुषमा कोरोना द्खिएपछी निज कात्तिक ९ गते भर्ना भएका थिए ।पुरुषको आइतार दिउँसो ४ बजेर ५ मिनेटमा मृत्यु भएको हो । डा. आशिष श्रेष्ठ अनुसार पुरुषमा मिर्गौला र हाइपरटेन्सनको समस्या रहेको थियो ।

तय्सैगरी पथरी शनिश्चरे,  मोरङ का पुरुषमा कात्तिक १ गते कोरोना भाइरस संक्रमण भएको थियो । कात्तिक ४ गते अस्पताल भर्ना भएका उनको कात्तिक ९ गते राति १० बजे मृत्यु भएको हो ।

कात्तिक ९ गते धरान उपमहानगरपालिकाकी ८३ वर्षकी महिला मा कोरोना द्खिएपछी निज कात्तिक १० गते अस्पताल भर्ना भएकी र त्यसै दिन मृत्यु भएको सहप्रवक्ता श्रेष्ठले जानकारी दिए ।