Close
Hamro Biratnagar Media Network
20 Jun 2021६ असार २०७८, आईतवार

एलेक्सी नाभाल्नीको पक्राउको विरोधमा सहभागिसमर्थकलाई प्रहरीले नियन्त्रण लियो

2021-01-24 06-01 | Hamro Biratnagar                  


A+ A A-

एजेन्सी, ११ माघ । रसियाका विपक्षी नेता एलेक्सी नाभाल्नीको पक्राउको विरोधमा सहभागि हजारौं समर्थकलाई प्रहरीले नियन्त्रणमा लिएको छ । रसियाका विभिन्न शहरमा भएको प्रदर्शनमा उत्रिएका करिब तीनहजार प्रदर्शनकारीलाई प्रहरीले नियन्त्रणमा लिएको हो ।

राजधानी मस्कोमा प्रहरीले प्रदर्शनकारीलाई पिट्दै घिसारेर नियन्त्रणमा लिएको थियो । राष्ट्रपति भ्लादिमिर पुटिनको विरोधमा भएको यो अहिलेसम्मकै ठूलो प्रदर्शन भएको जनाइएको छ । प्रदर्शन अघि प्रहरीले मानिसहरूलाई घरभित्रै बस्न चेतावनी दिएको थियो भने नाभाल्नीका नजिकका सहयोगीहरुलाई प्रदर्शन अघिनै पक्राउ गरिएको थियो ।

गत आइतवार उपचारपछि जर्मनीबाट स्वदेश फर्केका नाभाल्नीलाई विमानस्थलमा पक्राउ गरेपछि समर्थकहरुले सामाजिक सञ्जालमार्फत प्रदर्शनको आह्वान गरेका थिए । नाभाल्नी राष्ट्रपति पुटिनका कट्टर कडा आलोचक मानिन्छन् ।

सन् २०१८ को राष्ट्रपतीय निर्वाचनमा उनी उम्मेदवार बन्न खोजेका थिए । तर, आर्थिक हिनामिनाको आरोपमा उम्मेदवार बन्न दिइएन । गत अगस्टमा ४४ वर्षीय नभाल्नीलाई स्नायु विष दिइएको थियो । महिनौंको उपचारपछि मस्को फर्किएका नाभाल्नीलाई विमानस्थलको पासपोर्ट नियन्त्रण कक्षबाट प्रहरीले नियन्त्रणमा लिएको थियो ।


सम्बन्धित खबर


ताजा समाचार
लोकप्रिय