Hamro Biratnagar Media Network
24 Jul 2021९ श्रावण २०७८, शनिबार

हामीले छिटै नै खोपको सुरुवात गर्ने मौका पायौं : प्रधानमन्त्री ओली

2021-01-27 11-01 | Hamro Biratnagar                  

A+ A A-

प्रधानमन्त्री केपी शर्मा ओलीले नेपालले छिटै नै कोरोना भाइरसविरुद्धको खोप लगाउन पाएको भन्दै खुसी व्यक्त गरेका छन् । बुधबार बालुवाटारमा आयोजित कोभिड–१९ विरुद्धको खोप अभियान शुभारम्भ कार्यक्रममा प्रधानमन्त्री ओलीले यस्तो बताएका हुन् ।

उनले भारत सरकारले आफूले लगाउन थालेको केही समयमै नेपाललाई निःशुल्क खोप उपलब्ध गराएको भन्दै भारतीय प्रधानमन्त्री नरेन्द्र मोदीलाई धन्यवाद दिएका छन् । उनले अरुसँग पनि नेपालमा थप खोप ल्याउने सम्बन्धमा प्रयास भइरहेको भन्दै कोभ्याक्स (कोरोना भाइरसविरुद्धको खोप) पनि ल्याउने बताए ।

प्रधानमन्त्री ओलीले सुरुवाती समयभन्दा खोपपछि कोरोनाविरुद्धको लडाइँमाथि उठाएको बताए । उनले कोरोना महामारीमा खटिएका सबैको प्रशंसासमेत गरे ।

उनले खोप आए पनि सावधानीका उपायहरु अपनाउन भने छाड्न नहुने बताए । उनले करिब तीन महिनाभित्र सबै नेपालीलाई खोप उपलब्ध गराइसक्ने बताए ।

प्रधानमन्त्री ओलीले कोरोना भाइरसविरुद्धको खोप निर्माणमा जुट्ने वैज्ञानिक तथा त्यसमा लगानी गर्ने सबै पक्षलाई धन्यवाद दिएका छन् । खोप अभियानमा खटिने वैज्ञानिक तथा लगानी गर्नेहरुले मानवका लागि ठूलो कार्य गरेको बताए ।

उनले कोरोना भाइरस विश्वव्यापी रहेको भन्दै यसका लागि प्राप्त भएका उपलब्धीहरु पनि विश्वव्यापी हुनुपर्नेमा जोड दिए । उनले कोरोना भाइरसविरुद्धको खोपमा कोही पनि नेपाली नागरिक र नेपालमा बसोबास गर्ने व्यक्तिले खोप पाउने बताए ।आफूहरुले निःशुल्क रुपमा प्राप्त गरे पनि या निःशुल्क प्राप्त नगरे पनि सबै नेपालीलाई निःशुल्क खोप उपलब्ध गराउने बताए ।


सम्बन्धित खबर


ताजा समाचार
लोकप्रिय