Hamro Biratnagar Media Network
24 Jul 2021९ श्रावण २०७८, शनिबार

ललिता निवास प्रकरण : भाटभटेनीका सञ्चालक गुरुङ धरौटीमा रिहा

2021-02-03 07-02 | Hamro Biratnagar                  

A+ A A-

काठमाडौ, २१ माघ-ललिता निवासको सरकारी जग्गा हिनामिना प्रकरणमा मुछिएका भाटभटेनीका सञ्चालक मीनबहादुर गुरुङ धरौटीमा रिहा भएका छन् ।  बुधबार न्यायाधीशद्वय प्रेमराज कार्की र अब्दुल अजिज मुललमानको संयुक्त इजलासले गुरुङसँग दुई करोड धरौटीमा छाड्ने आदेश दिएको हो ।

आदेश लगत्तै भाटभटेनीका सञ्चालक गुरुङ दुई करोड रुपैयाँ धरौटी बुझाएर रिहा भएको अदालतका प्रवक्ता पुष्पराज पाण्डेले जानकारी दिए ।

बालुवाटारस्थित ११३ रोपनी सरकारी जग्गा विभिन्न व्यक्तिको नाममा दर्ता गर्ने काममा संलग्न भएको अभियोगमा आयोगले विशेष अदालतमा मुद्दा दायर गरेको थियो ।

उनीविरुद्ध अख्तियारले जग्गा धनीका रूपमा ११ करोड र सरकारी जग्गा कमिसनका रूपमा बकस लिएको भन्दै ३९ करोड बिगो दाबी गर्दै मुद्दा दायर गरेको थियो ।

अख्तियारका अनुसार गुरुङले बालुवाटारस्थित ललिता निवासभित्र रहेको जग्गा ८ जनालाई बिक्री गरेका थिए । गुरुङसँगै उनको छोरा कल्याण गुरुङ‚ छोरी तथा सहोदर भाइ र बुहारीसमेतको जग्गा प्रकरणमा मुछिएका थिए ।


सम्बन्धित खबर


ताजा समाचार
लोकप्रिय