Close
Hamro Biratnagar Media Network
17 Jun 2021३ असार २०७८, बिहीबार

बैकल्पिक सरकार गठनको विपक्षमा उभिए महन्थ ठाकुर (बिज्ञप्तीसहित)

2021-05-11 10-05 | Hamro Biratnagar                  


A+ A A-

काठमाडौं, बैशाख २८ । जनता समाजवादी पार्टी (जसपा) का अध्यक्ष महन्थ ठाकुरले वैकल्पिक सरकार बनाउन खोज्नुलाई मधेश विरोधी कामको संज्ञा दिनुभएको छ ।

प्रतिनिधिसभामा प्रधानमन्त्री केपी शर्मा ओलीले विश्वासको मत नपाएर सरकार ढलेसँगै जसपाका अर्का अध्यक्ष उपेन्द्र यादवले वैकल्पिक सरकार गठनका लागि काँग्रेस सभापति शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डसँग मिलेर संयुक्त विज्ञप्ती जारी गरेको केही घण्टापछि अध्यक्ष ठाकुरले विज्ञप्ति जारी गर्दै यस्तो बताउनु भएको हो ।

सोमबार राति विज्ञप्ति जारी गर्दै अध्यक्ष ठाकुरले ओली सरकारले जसपाका माग पूरा गरिरहेको भन्दै बैकल्पिक सरकार गठनमा सहमत हुन नसक्ने निर्णय सार्वजनिक गर्नुभएको छ । ओली सरकारले नै आफूहरुको माग पूरा गरिरहेको अवस्थामा नयाँ सरकार बनाउने गतिविधमा संलग्न हुनु मधेशको भावना विरोधी काम भएको ठाकुरको निचोड छ । ठाकुरले जसपा सरकार केन्द्रित नभई मुद्दा केन्द्रित रहेकोसमेत प्रष्ट पार्नुभएको छ ।

सोमबार प्रतिनिधिसभामा विश्वासको मतमाथि मतविभाजन हुँदा ठाकुर समूह तथस्ट बसेको थियो भने यादव समूहले विपक्षमा मतदान गरेको थियो। प्रधानमन्त्री ओली बिश्वासको मत लिन असफल भइ राष्ट्रपतिले संबिधानको धारा ७६ को उपधारा २ अनुसार बहुमतको सरकार गठनका लागि तीन दिनको समय दिनुभएलगत्तै ठाकुरको यस्तो निश्कर्ष आएको हो । उहाँको यो निर्णयसँग अव बहुमतको सरकार गठन गर्ने कांग्रेस माओवादीको योजना चकनाचुर भएको छ ।


सम्बन्धित खबर


ताजा समाचार
लोकप्रिय