Close
Hamro Biratnagar Media Network
16 Jun 2021२ असार २०७८, बुधबार

प्रधानमन्त्री ओलीसँगको बार्तापछि माधवको घोषणा : सांसदको राजीनामा टर्यो, बिवाद मिलाउन कार्यदल बन्छ

2021-05-13 07-05 | Hamro Biratnagar                  


A+ A A-

काठमाडौं, बैशाख ३० । नेकपा एमालेका वरिष्ठ नेता माधवकुमार नेपालले अध्यक्ष केपी शर्मा ओलीसँगको बार्ता फलदायी बनेको बताउनु भएको छ । अध्यक्ष ओलीसँग आज भएको तीन घण्टा लामो बार्तापछि सञ्चारकर्मीलाई प्रतिक्रिया दिँदै बरिष्ठ नेता नेपालले आजको बार्ता फलदायी बनेको र तत्कालका लागि सांसदहरुको राजीनामा टरेको जानकारी दिनुभएको हो ।

नेपालका अनुसार तत्कालका लागि आफूहरूको राजीनामा टरेको छ । ‘राजीनामा दुई/चार दिनलाई टर्यो, बिवाद मिलाउन अव कार्यदल बन्छ,’ अध्यक्ष ओलीसँग वार्तापछि बाहिरिने क्रममा पत्रकारसँग नेता नेपालले भन्नुभयो । नेता नेपालले अव पार्टी मिल्ने दिशातर्फ गएको जानकारी पनि दिनुभएको छ । ‘हामीबीचको वार्ता मिल्ने दिशातर्फ गएको छ। हामी अहिलेसम्मका विवादलाई सहमतिमा आधारमा टुंग्याउछौँ, पार्टीभित्रका विवाद अब कार्यदल बनाएर मिलाउँदै जान्छौँ। हामी आजको वार्तापछि मिल्ने दिशातर्फ गएका छौँ,’ नेपालको भनाई थियो ।

एमाले अध्यक्ष ओली र वरिष्ठ नेता नेपालबीच अन्य सहमति पनि भएको छ । ती बिषयलाई भने गोप्य राखिएको छ । उहाँहरुबीच बुढानिलकण्ठ नगरपालिकाको चपलीस्थित मिडिया उद्यमी तथा ब्यवसायी क्याप्टेन रामेश्वर थापाको घरमा अध्यक्ष ओली र नेपालबीच आज लामो छलफल भएको थियो ।


सम्बन्धित खबर


ताजा समाचार
लोकप्रिय