Close
Hamro Biratnagar Media Network
14 Jun 2021३१ जेष्ठ २०७८, सोमबार

मोरङमा कोरोना संक्रमणबाट थप १२ जनाको मृत्यु

2021-05-16 12-05 | Hamro Biratnagar                  


A+ A A-

विराटनगर, २ जेठ । कोरोना भाइरसको संक्रमणका कारण मोरङका विभिन्न अस्पतालमा थप १२ जनाको मृत्यु भएको छ । पछिल्लो १३ घण्टामा उक्त संख्यामा संक्रमितको ज्यान गएको हो ।

विराटनगरस्थित नोबेल शिक्षण अस्पतालमा शनिबार दिउँसो ३ बजेदेखि आइतबार बिहानसम्ममा सात जना, कोसी अस्पताल कोभिड–१९ उपचार केन्द्रमा तीन र बुढीगंगा गाउँपालिकास्थित विराट शिक्षण अस्पतालमा दुई जना कोरोना संक्रमितको निधन भएको हो ।

नोवेल शिक्षण अस्पतालमा मोरङको पथरीशनिश्चरे नगरपालिका–१ की ६४ वर्षीया महिला, विराटनगर–१ का ३५ वर्षीय पुरुष, उदयपुरको बेलटारका ५६ वर्षीय पुरुष, विराटनगर–४ का ५२ वर्षीय पुरुष, मोरङको सुन्दरहरैँचा–९ का ६० वर्षीया महिला, सिरहाका ६९ वर्षीय पुरुष, सिरहाकै अर्का ६२ वर्षीय पुरुषको मृत्यु भएको अस्पतालका प्रवन्धक नारायण दाहालले जानकारी दिए ।

त्यस्तै विराटनगरस्थित कोसी अस्पताल कोभिड–१९ उपचार केन्द्रमा मोरङको सुनवर्षी नगरपालिका–३ का ५३ वर्षीय पुरुष, विराटनगर–१ की ३४ वर्षीया महिला र विराटनगर–१४ का ६८ वर्षीय पुरुषको उपचारका क्रममा मृत्यु भएको सूचना अधिकारी अनुपम राजवंशीले जानकारी दिए।

मोरङको बुढीगंगा गाउँपालिकास्थित विराट शिक्षण अस्पतालमा इलामको इलाम नगरपालिका–८ का ३६ वर्षीय पुरुष र सर्लाही लालबन्दीकी ३५ वर्षीया महिलाको गएराति मृत्यु भएको विराटका कोभिड अस्पताल इन्चार्ज सुनिल देवले जानकारी दिए ।


सम्बन्धित खबर


ताजा समाचार
लोकप्रिय