Close
Hamro Biratnagar Media Network
14 Jun 2021३१ जेष्ठ २०७८, सोमबार

सरकारमा जान ठाकुर-महतो छलफलमा

2021-05-22 12-05 | Hamro Biratnagar                  


A+ A A-

प्रधानमन्त्री केपी ओली नेतृत्वको मन्त्रिपरिषदमा सहभागी हुन जनता समाजवादी पार्टीका अध्यक्ष महन्थ ठाकुर र राजेन्द्र महतो पक्ष छलफलमा जुटेको छ ।

प्रधानमन्त्री ओलीसँग ठाकुर-महतो पक्षले आज छलफल गर्दैछन् । मन्त्रालयको संख्या र नाम टुंगो लागे आइतबार नै मन्त्रीमण्डलमा सहभागी हुने सम्भावना छ ।

ठाकुर-महतोनिकट एक नेताका अनुसार अहिलेसम्म ८ देखि १० वटा मन्त्रालय लिनेबारेमा छलफल चलेको छ । तर, मन्त्रालयको नाम टुंगो लागेको छैन ।

पूर्वमाओवादीका नेताहरूले सम्हालेका मन्त्रालय नै लिने वा अन्य भन्नेमा पनि छलफल चलिरहेको छ । तर, टुंगो नलागेको ती नेताको भनाइ छ । तर, राजेन्द्र महतोको नेतृत्वमा सरकारमा जाने सहमति भने भइसकेको छ । दुईवटासम्म उपप्रधामन्त्री लिन सक्ने ती नेताको भनाइ छ । र, केही राज्यमन्त्री पनि बन्नेछन् ।

ती नेताका अनुसार उपेन्द्र यादव पक्षबाट तानिएका विमल श्रीवास्तव, उमाशंकर अरगरियालयातका नेताहरूको पनि व्यवस्थापन गर्नुपर्ने भएकोले १० वटा मन्त्रालयमा दाबी भइरहेको छ ।

बढी मन्त्रालय हुदाँ नेताहरूको व्यवस्थापन सजिलो हुने भन्दै ओलीलाई जानकारी पनि गराइसकेका छन् । श्रीवास्तव र अरगरियालाई त मन्त्रीको आश्वसन दिएर नै ठाकुरले आफ्नो पक्षमा तानेका थिए । त्यसको सहजीकरण एमालेका नेता महेश बस्नेतले गरेका थिए ।

अहिले पूर्वमाओवादीका नेताहरूले सम्हालेका मन्त्रालयहरू गृह, उर्जा, उद्योग, सहरी, खानेपानी, श्रम, युवा तथा खेलकुदलगायतका मन्त्रालय छन् ।

कतिपयले गृह मन्त्रालयमा भने पूर्वमाओवादी नेता रामबहादुर थापा बादललाई नै दोहोर्याउने मनसायमा प्रधानमन्त्री रहेको बताएका छन् । त्यसको संकेत जसपाका नेताहरूलाई पनि ओलीले दिएका छन् ।


सम्बन्धित खबर


ताजा समाचार
लोकप्रिय