Close
Hamro Biratnagar Media Network
14 Jun 2021३१ जेष्ठ २०७८, सोमबार

आफनो समूहका प्रभावशाली नेता विभाजित भएकाले तत्काल नयाँ पार्टी बनाउन नसकेको माधव नेपालको स्वीकारोक्ति

2021-06-05 06-06 | Hamro Biratnagar                  


A+ A A-

काठमाडौँ, जेठ २२ । नेकपा (एमाले)ले साधारण सदस्य समेत बाट हटाइएका पूर्व प्रधानमन्त्री माधवकुमार नेपालले आफू निकटका जिल्ला अध्यक्ष र सचिवसँग प्रभावशाली नेताहरूको मत बाझिएका कारण तत्काल नयाँ पार्टी गठनको सम्भावना कम रहेको बताउनुभएको छ ।

आफूनिकट जिल्ला अध्यक्ष र सचिवको भर्चुअल भेलामा उहाँले तत्कालै नयाँ पार्टी बनाउने अवस्था नरहेको बताउनुभएको हो ।उहाँले आफ्नो टिमभित्रै समस्या रहेको कुरा समेत बताउनुभयो । भेलामा सहभागी एक नेताका अनुसार नेपालले भन्नुभयो ‘नयाँ पार्टी गठन गर्न टिममा समस्या भयो । परिस्थिति पनि अनुकूल देखिएन । संसद्मा प्रतिनिधिसभा विघटनको मुद्दा विचाराधीन छ । एमालेकै तर्फबाट हामी त्यहाँ मुद्दा लडिरहेका छौँ ।’ त्यसैले तत्काल नया पार्टी वन्न नसक्ने बताउनुएको हो ।

माधवको यही नियत बुझेपछिसो समूहमा गम्भीर विग्रह उत्पन्न भएको छ । केही प्रभावशाली नेताहरु र जिल्ला तथा गाउँ तहका सयौं नेता कार्यकर्ता पार्टी छाडन नसकिने अडानमा उभिएका कारण नेपाल समूहमा विग्रहसमेत देखापरेको छ । पार्टीबाट निश्काशनमा परे पनि नेपाल समूहले अहिले पनि नेकपा एमालेकै नाममा गतिविधि गरिरहेको छ । संस्थापन पक्षसँग वार्ता गरिरहनुभएका योगेश भट्टराई र घनश्याम भुषाल, गोकर्ण बिष्ट, सुरेन्द्र पाण्डेलगायतका नेताहरुले एमालेमै रहन प्रस्ताव राख्नुभएपछि त्यहाँ भित्र माधव दिन प्रतिदिन एक्लिदै जानुभएको छ ।


सम्बन्धित खबर


ताजा समाचार
लोकप्रिय