Close
Hamro Biratnagar Media Network
20 Jun 2021६ असार २०७८, आईतवार

समूह परिवर्तन गरेका गणेश पहाडीलाई मन्त्री उपहार

2021-06-10 01-06 | Hamro Biratnagar                  


A+ A A-

काठमाडौं । नेकपा एमालेको माधवकुमार नेपाल–झलनाथ खनाल समूह छाडेका गणेश पहाडीलाई प्रधानमन्त्री केपी शर्मा ओलीले मन्त्री बनाउनु हुने भएको छ ।

प्रधानमन्त्रीले बिहीबार विस्तार गर्न लागेको मन्त्रिमण्डलमा गणेश पहाडी सामान्य प्रशासन मन्त्री बन्ने भएका हुन् । पहाडी केही समयअघिसम्म एमाले वरिष्ठ नेता माधवकुमार नेपाल समूहमा थिए । नवौं महाधिवेशनमा उनी नेपालको प्यानलबाट वैकल्पिक केन्द्रीय सदस्य निर्वाचित हुनुभएको थियो ।

सिन्धुलीबाट दुई पटक निर्वाचित पहाडी नेता योगेश भट्टराई निकट हुन् । पहाडी विद्यार्थीकालदेखि नै भट्टराईसँग निकट रहँदै आउनु भएको थियो । पहाडी एमाले विभाजन हुँदा माले पार्टीतर्फै जानुभएको थियो ।

कांग्रेस सभापति शेरबहादुर देउवालाई प्रधानमन्त्री बनाउन हस्ताक्षर गरेका पहाडी पछिल्लो समय मौन रहँदै आउनुुभएको थियो ।


सम्बन्धित खबर