Hamro Biratnagar Media Network
05 Aug 2021२१ श्रावण २०७८, बिहीबार

मोरङमा निषधाज्ञा थप खुकुलो बनाइयो, भोलिदेखि सार्बजनिक बससहित सवै सवारी साधन चल्न पाउने, बजार पसल ६ बजेसम्म सम्म खुल्ला

2021-07-05 01-07 | Hamro Biratnagar                  

A+ A A-

विराटनगर, २१ असार । अझ खुकुलो प्रावधानसहित मोरङमा थप एक साता निषेधाज्ञा लम्ब्याईएको छ । जिल्ला प्रशासन कार्यालय मोरङले यस अघि भन्दा अझ खुकुलो बनाउदै निषेधाज्ञाको समयावधि एक साता थप गरेको हो ।

जिल्ला प्रशासन कार्यालय मोरङका सहयाक प्रमुख जिल्ला अधिकारी तथा सुचना अधिकारी महेशराज तिम्सिनाले जिल्लाभर २८ असार मध्यराति १२ बजेसम्मका लागि दशौं पटक निषेधाज्ञा अवधि थप गरिएको हाम्रो विराटनगरलाई जानकारी दिए ।

‘यसपटक पहिले भन्दा अझ खुकुलो प्रावधानसहित निषेधाज्ञा थपिएको छ । सवै प्रकारका सवारी साधनहरु जोर प्रणाली अनुसार सञ्चालन गर्न पाइनेछ ।’ उनले हाम्रो विराटनगरसँग भने,‘यस अघि चार बजेसम्म मात्र बजार पसल खोल्न पाइने भनिएकोमा अब बेलुका छ बजेसम्म खोल्ने निर्णय भएको छ ।’

तिम्सिनाका अनुसार सोमबार बसेको डिसिसिएमसि बैठकले मंगलबारदेखि सार्बजनिक बससहित, माइक्रोबस, मिनिबस, ट्याक्सीहरु, भाडाका सवारी साधनहरुसहित सवै सवारी साधन जोरबिजोर प्रणालीका आधारमा सञ्चालन गर्न दिने निर्णय गरेको छ ।

यसअघि नीजि सवारी सधनहरु मत्र जोरबिजोर प्रणलीका आधारमा चल्न दिइएको थियो । त्यस्तै अब बजार पसलहरु पनि बेलुका ६ बजेसम्म खुल्ला रहने भएका छन् । यस अघि ४ बजेसम्म मात्र खुल्ला गर्ने डिसिसिएमसि बैठकले निर्णय गरेको थियो । शैक्षिक संस्था, सैलुन, ब्यूटी पार्लर, जिमलगायतका खेलकुद, गुद्री, साप्ताहिक हाटबजार सञ्चालन गर्न पाइने छैन ।

अस्पतालहरुमा कोरोना संक्रमितको संख्या घटेकोले पसलहरु सञ्चालनमा केही खुकुलो पारिएको तर संक्रमणको जोखिम यथावतै रहेकोले स्वास्थ्य सुरक्षा मापदण्ड सबैलाई अपनाउन प्रशासनले निर्देशन दिएको छ ।


सम्बन्धित खबर


ताजा समाचार
लोकप्रिय