Hamro Biratnagar Media Network
04 Aug 2021२० श्रावण २०७८, बुधबार

युरोकप–२०२० लगायतका खेलहरुमा सट्टाबाजी गर्ने विराटनगरका एकसहित ८ जना पक्राउ

2021-07-05 03-07 | Hamro Biratnagar                  

A+ A A-

काठमाडौं, २१ असार । हाल युरोप र अमेरिकामा संचालन भईरहेको युरोकप–२०२० र कोपा अमेरिका कप फुटबल खेलमा अनलाइन मार्फत् सट्टाबाजी गर्ने व्यक्तिहरुलाई पक्राउ गरेको छ ।

बाजी राख्दा जितिन्छ भन्ने विश्वास दिलाई हारजित हुने र आफूले लाभ लिने उदेश्य राखी ठूलो रकमको बाजी राख्न लगाई काठमाण्डौका विभिन्न स्थानमा सट्टाबाजी गराई खेल खेलाउने गरेको भन्ने गोप्य सुचनाको आधारमा यस महानगरीय अपराध महाशाखाबाट खटिएको बिशेष टोलीले काठमाडौंको विभिन्न उनीहरुलाई पक्राउ गरेको हो ।

काठमाडौंस्थित इन्द्र चोक, मरुटोल, न्यूरोड, क्षेत्रपाटी, गौरीघाट लगायतका बिभिन्न स्थान बाट अनलाइन बैंकिङ तथा नगदी कारोबार समेत गरिरहेको अवस्थामा ८ जना व्यक्तिहरुलाई नगद र सट्टेबाजीमा प्रयोग भएको मोबाइल सहित पक्राउ गरिएको प्रहरीले जनाएको छ ।

पक्राउ परेका निज व्यक्तिहरुलाई मुलुकी अपराध संहिता २०७४ को दफा १२५ को उप दफा ४ बमोजिम कसुरमा सजाय हुने गरि आवश्यक कार्वाहीको लागी महानगरीय प्रहरी परीसर काठमाण्डौ पठाइएको जनाइएको छ ।

साथै त्यसरी बिभिन्न स्थानबाट सट्टेबाजीमा प्रयोग भएको पैसा आइएमइ बाट पठाइने र लिने गरि कारोबार गर्ने गरेको भन्ने प्रारम्भिक अनुसन्धानबाट खुलेको छ ।

पक्राउ पर्नेमा काठमाण्डौ महानगरपालिका–४ सुकेधारा बस्ने ५७ वर्षीय राजेन्द्र श्रेष्ठ, वडा नं.१९ ढोकाटोल बस्ने ४७ वर्षीउ जिवन लामा। पर्साको वीरगंज–७ घर भई हाल .कुलेश्वर बस्ने बर्ष ४६ को सुरज टिवडेवाल, भारत बिहार पुर्बिचम्पारण जिल्ला रक्सौल घर भई हाल कुलेश्वर बस्ने बर्ष ४६ अशोक कुमार गुप्ता, चितवन खैरहनी न.पा.वडा नं.५ टरौली घर भई हाल धापासी बस्ने बर्ष ४५ को गोबिन्द प्रसाद आचार्य, भारत हरियाना विवरनी जिल्ला घर भई हाल इन्द्रचोक बस्ने बर्ष ४९ को राजेश कुमार अग्रवाल, भारत राजस्थान झुनझुन जिल्ला सुरजगढ घर भई हाल क्षेत्रपाटी बस्ने वर्ष ३३ को सुचित डालमिया अग्रवाल र विराटनगर महानगरपालिका वडा नं. ७ घर भई मरुटोल बस्ने बर्ष ४६ को अमरनाथ गुप्ता रहेका छन् ।


सम्बन्धित खबर