Hamro Biratnagar Media Network
05 Aug 2021२१ श्रावण २०७८, बिहीबार

एमाले पार्टी एकता कार्यदलको बैठक सिंहदरबारमा जारी

2021-07-05 08-07 | Hamro Biratnagar                  

A+ A A-

एमालेको एकताका लागि गठित कार्यदलको बैठक सिंहदरबारमा सुरु भएको छ । वरिष्ठ नेता माधवकुमार नेपालको मागअनुसार अध्‍यक्ष केपी शर्मा ओली कार्यदल ब्युँताउन सहमत भएपछि त्यसको बैठक बसेको हो ।

आइतबार राति बालुवाटारमा अध्यक्ष ओलीसँगको वार्तामा नेता भीम रावलले कार्यदल ब्युँताएर एकताको प्रक्रिया टुंग्‍याउनुबाहेकको अरु विकल्प नभएको बताएपछि ओली त्यसमा सहमत भएपछि गत ५ जेठदेखि निष्क्रिय रहेको कार्यदलको बैठक पुन: सुरु भएको हो । पार्टी एकतासम्बन्धी विवाद समाधानका लागि २ जेठमा कार्यदल गठन भएको थियो ।

कार्यदलमा ओलीका तर्फबाट सुवास नेम्वाङको संयोजकत्वमा विष्णु पौडेल, शंकर पोखरेल, प्रदीप ज्ञवाली र विष्णु रिमाल छन् । वरिष्ठ झलनाथ खनाल–माधवकुमार नेपाल समूहमा भीम रावलको संयोजकत्वमा घनश्याम भुसाल, गोकर्ण विष्ट, सुरेन्द्र पाण्डे र रघुजी पन्त सदस्य छन् ।

अध्यक्ष ओलीले खनाल-नेपाल पक्षलाई प्रधानमन्त्रीमा शेरबहादुर देउवालाई समर्थन गर्दै अदालतमा बुझाएको हस्ताक्षर फिर्ताका लागि सोमबार ५ बजेसम्मको समयसीमा दिएका थिए । यो समयभित्र हस्ताक्षर फिर्ता नभए एमाले एक नहुने उनको चेतावनी थियो । हस्ताक्षर गरेका २३ सांसदले यो समयभित्र फिर्ता भने गरेका छैनन् । ओलीले दिएको समयसीमा सकिएलगत्तै कार्यदलको बैठक बसेको हो ।


सम्बन्धित खबर


ताजा समाचार
लोकप्रिय