Hamro Biratnagar Media Network
24 Jul 2021९ श्रावण २०७८, शनिबार

प्रदेश १ का डिआइजी भन्छन्ः अपराध र तस्करीलाई निश्तेज पार्छु

2021-07-05 09-07 | Hamro Biratnagar                  

A+ A A-

विराटनगर, २१ असार । प्रदेश नं. १ का नवनियुक्त प्रहरी नायब महानिरीक्षक अरुणकुमार बिसिले आफ्नो विवेक र ब्रम्हले भ्याएसम्म अपराध र तस्करीलाई निश्तेज पार्ने बताएका छन् ।

भर्खरै १ नम्बर प्रदेश प्रहरी कार्यालय सरुवा भएर आएका डिआईजी बिसिले सोमबार दिउँसो प्रदेश प्रहरी कार्यालय विराटनगरमा आयोजित संचारकर्मीसंगको भेटघाट कार्यक्रममा यस्तो बताएका हुन् ।

उनले अपराध र तस्करी नियन्त्रण आफ्नो मुल मन्त्र रहेको बताए । संचारकर्मी सामु आफ्ना भावी ७ बुँदे कार्ययोजना प्रस्तुत गर्दै उनले आफुले प्रहरीको ब्यवसायिकता र आर्थिक पार्दशितालाई प्राथमिकतामा राखेको बताए । उनले कुनैपनि प्रहरी कर्मचारी ब्यवासायिक दायरा बाहिर गए कडा कारवाही गर्ने प्रतिबद्धता समेत ब्यक्त गरे ।

डिआईजी बिसिले प्रदेश एक भारतसंगको खुला सिमा जोडिएको स्थान रहेकोले तस्करी र सिमाजन्य अपराध अत्याधिक हुने गरेको बताउदै त्यसलाई नियन्त्रण तथा न्यूनिकरण गर्न अन्य निकायसंग सहकार्य गरेर नियमन गरिने समेत उल्लेख गरे । डिआईजी बिसिले यसअघि एसपीको रुपमा एक कार्यकाल जिल्ला प्रहरी कार्यालय मोरङको कार्यभार सम्हालिसकेका छन् ।


सम्बन्धित खबर


ताजा समाचार
लोकप्रिय