Hamro Biratnagar Media Network
05 Aug 2021२१ श्रावण २०७८, बिहीबार

त्रिभुवन विश्वविद्यालयको समकक्षता सेवा अब अनलाइनबाट

2021-07-06 10-07 | Hamro Biratnagar                  

A+ A A-

त्रिभुवन विश्वविद्यालयले स्वदेशी र विश्वविद्यालय तथा शैक्षिक संस्थाबाट उपाधि हासिलको शैक्षिक प्रमाणपत्रको उपाधि मान्यता तथा समकक्षता सेवा अनलाइन माध्यमबाटै दिन थालेको छ ।

विश्वविद्यालयको पाठ्यक्रम विकास केन्द्रले वेबसाइटमार्फत सेवाग्राहीले अनलाइनमा आवेदन दिन र शुल्क तिर्न सक्ने व्यवस्था सुरु गरेको हो । देशका विभिन्न स्थानबाट समकक्षताका लागि कीर्तिपुरस्थित केन्द्रको कार्यालयमा नै आएर आवेदन दिनुपर्ने झण्झट अब अन्त्य भएको छ ।

यही २० असारमा अनलाइनबाट सुदूरपश्चिम प्रदेश, कञ्चनपुर घर भई नेपाली सेनाको श्रीकालीध्वज गण नवलपरासीमा कार्यरत उपसेनानी गणेश चन्दले सो सेवा लिएका छन् । उनलाई केन्द्रका कार्यकारी निर्देशक प्रा डा पारसनाथ यादवले समकक्षता प्रमाणपत्र हस्तान्तरण गरे ।

सेवाग्राही चन्दले यसरी सेवा लिँदा कागजात रुजु गराउन झ्याल र शुल्क बुझाउन बैंकमा लाम लाग्नु नपर्ने भएकामा खुशी व्यक्त गरेका थिए । रासस


सम्बन्धित खबर


ताजा समाचार
लोकप्रिय