Hamro Biratnagar Media Network
25 Jul 2021१० श्रावण २०७८, आईतवार

हैटीका राष्ट्रपतिको हत्यामा संलग्न भएको आशङ्कामा प्रहरीद्वारा चार व्यक्तिको गोली हानी हत्या

2021-07-08 02-07 | Hamro Biratnagar                  

A+ A A-

हैटीका राष्ट्रपति जोभनेल मोइसीको हत्यामा संलग्न भएको आशङ्कामा प्रहरीले चार जना शङ्कास्पद व्यक्तिको गोली हानेर हत्या गरेको छ । राष्ट्रपति मोइसीको हत्या आरोपमा राजधानी पोर्ट–अ प्रिन्समा चार जना मारिएको, दुई जनालाई पक्राउ गरिएको र बाँकी दुई जना संदिग्ध व्यक्तिको खोजी भइरहेको प्रहरी प्रमुख लियोन चार्ल्सलाई उद्धृत गर्दै बीबीसीले जनाएको छ ।

राष्ट्रपतिको हत्याले देश स्तब्ध बनेको र यसमा संलग्नमाथि नरम बन्न नसकिने पनि प्रहरीका प्रमुख चार्ल्सले बताउनुभएको छ । हिजो बुधवार हैटीका राष्ट्रपतिको गोली हानी हत्या भएको थियो भने उहाँकी श्रीमती गम्भीर घाइते हुनुहुन्छ । हत्याराहरू राष्ट्रपतिको शयन कक्षसम्मै प्रवेश गरेर केही धनमाल लुटेको पनि बीबीसीले जनाएको छ ।

राष्ट्रपतिको हत्यापछि हैटीमा सङ्कटकालको घोषणा गर्दै अन्तरिम प्रधानमन्त्री क्लाउड जोसेफले देशवासीलाई शान्त रहन आग्रह गर्नुभएको छ । उहाँले आतङ्कवादसँग जुध्नका लागि सहयोगको अपिल पनि गर्नुभएको छ ।

संयुक्त राष्ट्र सङ्घको सुरक्षा परिषद्, अमेरिकी राष्ट्रपति जो बाइडेन, बेलायती प्रधानमन्त्री बोरिस जोनसन लगायतले हत्यालाई कायरतापूर्ण कार्यको संज्ञा दिँदै धैर्यता नगुमाउन हैटीका नागरिक र सुरक्षाकर्मीलाई आग्रह गरेका छन् ।


सम्बन्धित खबर


ताजा समाचार
लोकप्रिय