Hamro Biratnagar Media Network
31 Jul 2021१६ श्रावण २०७८, शनिबार

‘लकडाउन म्यूजिक कम्पिटिसन–२०७८’ को उपाधी दिपेश मोक्तानलाई

2021-07-10 11-07 | Hamro Biratnagar                  

A+ A A-

विराटनगर, २६ असार । ४ जना प्रतिस्पर्धीलाई फाइनलमा उछिन्दै दिपेश मोक्तान ‘इट्स माइ सोङ्ग–लकडाउन म्यूजिक कम्पिटिसन –२०७८’ को बिजेता बन्न सफल भएका छन् । फाइनल राउण्डका प्रतिस्पर्धीहरू मनु दाहाल, देवेन्द्र बास्कोटा, भुपेन्द्र कटुवाल र राज कुमार शाहशंकरलाई पछि पार्दै मोक्तानले यो उपाधी जित्न सफल भएका हुन् ।

त्यस्तै मनु दाहाल र देवेन्द्र बास्कोटा क्रमशः दोस्रो र तेस्रो स्थान प्राप्त गर्न सफल रहे । कार्यक्रम निर्धारित समयभन्दा २ घण्टा ढिलो सुरु भएको थियो ।

कार्यकममा निर्णायकको भूमिकामा गायक तथा गिटारिस्ट राजकुमार समाल, संगीतकार तथा संगीत संयोजक एन. बि. चाम्लिङ् र गायक तथा संगीतकार तुलाधर दर्नाल रहेका थिए । निर्णयमा भने फेसबुक कमेन्टलाई पनि आधार मानिएको थियो । जेष्ठ १२, २०७८ मा नेपालको विभिन्न ठाउँबाट ३१ जनाको सहभागितामा भर्चुअल अडिसनबाट शुरु भएको कार्यक्रम ‘इट्स माइ सोङ्ग–लकडाउन म्यूजिक कम्पिटिसन –२०७८’ विभिन्न चरणहरू पार गर्दै शिर्ष–५ मा पुगेको थियो ।

शिर्ष–५ का सबै प्रतिस्पर्धी उत्तिकै अब्बल हुँदा निर्णायक मण्डललाई निर्णय दिन गाह्रो परेको थियो । ‘हामीले धेरै चोटी गहनका साथ् सुन्दै अन्तिममा सहि निर्णय लिन सफल भयौ ।’ उत्साहित् हुँदै कार्यक्रम संचालक, प्रस्तोता तथा निर्णायक तुलाधर दर्नालले भने ।

प्रथम हुनेलाई उपेन्द्र अधिकारीको शब्द रचनाको एउटा गीत, द्वितीयलाई चोइटिएको सागरको शब्द रचनाको एउटा गीत र तृतीयलाई कभर गीत वा अनप्लग्ड भर्सनको एउटा नयाँ गीत रेकर्ड गराइदिने वा तीन महिना निःशुल्क संगीत कक्षाको व्यवस्था गरिने आयोजकले बताएका छन् ।


सम्बन्धित खबर


ताजा समाचार
लोकप्रिय