Hamro Biratnagar Media Network
31 Jul 2021१६ श्रावण २०७८, शनिबार

देउवाको मुद्दामा आज निर्णय, न्यायाधीश ईश्वर खतिवडालाई फैसला लेख्ने जिम्मा

2021-07-12 11-07 | Hamro Biratnagar                  

A+ A A-

काठमाडौं, असार २८ । प्रतिनिधिसभा विघटन बदर र कांग्रेस सभापति शेरवहादुर देउवालाई प्रधानमन्त्री नियुक्तिका लागि परमादेश माग गर्दै देउवासहित विघटित प्रतिनिधिसभाका १ सय ४६ सदस्यले दायर गर्नुभएको मुद्दामा संवैधानिक इजलासले आज निर्णय सुनाउने मिति तोकिएको छ । इजलाशले आज फैसला सुनाउने मिति तोके पनि यसै हुन्छ भन्ने निश्चित छैन ।

इजलासमा प्रधानन्यायाधीशसहित वरिष्ठतम न्यायाधीशहरु दीपक कुमार कार्की, मीरा खड्का, आनन्दमोहन भट्टराई र ईश्वर खतिवडा हुनुहुन्छ । धारा ७६ को उपधारा ५ बमोजिम केपी शर्मा ओली र शेरवहादुर देउवाले विश्वासको मत प्राप्त गर्ने आधार प्रस्तुत गर्न नसकेको भन्दै राष्ट्रपतिबाट जेठ ७ गते प्रतिनिधिसभा भंग गरी मध्यावधी निर्वाचन घोषणा भएको थियो । त्यसका विरुद्ध देउवासहित १ सय ४६ सांसद अदालत जानुभएका थियो । प्रतिनिधिसभा विघटनको पक्ष र विपक्षमा गरी ३० वटा रिट दर्ता भए पनि संवैधानिक इजलासमा सबैभन्दा पनि देउवाको रिटमाथि सुनुवाई भएको हो ।

प्रधानन्यायाधीश चोलेन्द्र शमसेर जबरा नेतृत्वको ५ सदस्यीय इजलासमा सुनुवाई सकिएपछि हेर्दा हेर्दैमा राखिएको मुद्दाको पेशी आज तोकिएको हो । फैसला आजै आउने वा नआउने भन्ने बिषयमा भने यकिन हुन सकेको छैन ।

सर्वोच्च अदालत स्रोतका अनुसार न्यायाधीश ईश्वर खतिवडालाई फैसला लेख्ने जिम्मा दिइएको छ । उहाँले लेखेको फैसलामा इजलाशमा रहनुभएका प्रधानन्यायाधीश चोलेन्द्र शमशेर जवरासहित सवै न्यायाधीशको छलफलपछि आजै फैसला दिने कि भोलिका लागि राख्ने भन्ने निर्णय हुने सर्वाेच्च स्रोतको भनाई छ । स्रोतका अनुसार न्यायाधीश खतिवडा केही दिनी केही दिनयता फैसला लेखनमा हुनुहुन्छ ।

देउवाको पक्षमा माधवकुमार नेपालसहित एमालेका २३ जना सांसदले हस्ताक्षर गर्नुभएको थियो । फैसला आउने अघिल्लो दिन एमालेमा १० बुँदे सहमतिसहित पार्टी एक भएको घोषणा भएको छ । एमालेको यो सहमतिसँगै देउवाको दावी खण्डित भएको र अदालतले यसलाई विचार गर्ने तर्क एमालेको छ ।


सम्बन्धित खबर


ताजा समाचार
लोकप्रिय