Hamro Biratnagar Media Network
25 Jul 2021१० श्रावण २०७८, आईतवार

ओलीलाई भेटेर फर्केका भीम रावलसहितका नेताहरू माधव नेपालसँग छलफलमा

2021-07-16 02-07 | Hamro Biratnagar                  

A+ A A-

एमालेको स्थायी कमिटी बैठक स्थगित गरी कार्यदलको १०बुँदे सहमति अनुसार अगाडि बढ्न गरेको प्रस्ताव अध्यक्ष केपी शर्मा ओलीले अस्वीकार गरेपछि माधव नेपालनिकट नेताहरू कोटेश्वर पुगेका छन् ।

नेपाल पक्षका कार्यदल सदस्यहरू भीम रावल, घनश्याम भुसाल, सुरेन्द्र पाण्डे, गोकर्ण विष्ट र भीम आचार्यले च्यासलस्थित तुलसीलाल अमात्य स्मृति प्रतिष्ठानमा जारी स्थायी कमिटी बैठकमा पुगेर बैठक रोक्न माग गरेका थिए ।

तर, ओलीले कार्यसूची अनुसार बैठक अगाडि बढाउने बताएपछि  स्थायी कमिटी बैठकबाट बाहिरिएका नेताहरू नेता नेपालसँग छलफल गर्न नेपाल निवास कोटेश्वर पुगेका छन् ।

बैठकमा पुगेर ओलीसमक्ष नेपाल पक्षका नेताहरूले मुख्यतः तीनवटा एजेण्डा उठाएका थिए । एक, कार्यदलको सहमति अनुसार बैठक राख्नुपर्ने । दुई, अध्यक्ष ओली र नेता नेपालबीच छलफल र संवाद हुनुपर्ने । तीन, एकता भाडिने गतिविधि गर्न नहुने । तर, ती प्रस्तावमा ओलीले चासो दिएनन् ।

बैठकले कार्यदलको सहमति अनुमोदन गरेर कार्यदल भंग गरेको छ । एमालेले दिउँसो ३ बजे संसदीय दलको बैठक पनि बोलाएको छ ।


सम्बन्धित खबर


ताजा समाचार
लोकप्रिय