Hamro Biratnagar Media Network
25 Jul 2021१० श्रावण २०७८, आईतवार

इटहरी आइसोलेसनका एक युवकद्वारा स्यानिटाइजर पिएर आत्महत्या

2021-07-17 07-07 | Hamro Biratnagar                  

A+ A A-

विराटनगर, २ साउन । सुनसरीको इटहरीस्थित आइसोलेसनमा एक युवकले स्यानिटाइजर पिएर आत्महत्या गरेका छन् । इटहरी–१० स्थित उद्योग वाणिज्य संघद्वारा सञ्चालित आइसोलेसन सेन्टरमा सहयोगीका रुपमा कार्यरत ३२ वर्षीय प्रकाश भण्डारीले आत्महत्या गरेका हुन् ।

इटहरी–८ स्थित पुष्पलाल चौक घर भएका भण्डारीले शुक्रबार राति साढे आठ बजे आइसोलेसन सेन्टरमै स्यानिटाइजर पिएको इलाका प्रहरी कार्यालय इटहरीका प्रहरी निरीक्षक गणेश भट्टराईले जानकारी दिए ।

सेनिटाइजर पिएर बिरामी भएका उनलाई उपचारका लागि धरानस्थित बीपी कोइराला स्वास्थ्य विज्ञान प्रतिष्ठान लगिएकोमा उपचारका क्रममा रातिनै साढे ९ बजेतिर मृत्यु भएको हो ।

मृतक भण्डारी मदिराको कुलतमा फसेकाले परिवारजनले उनलाई आइसोलेसन सेन्टरमा काम गर्न लगाएको प्रहरीले जनाएको छ । मृतक भण्डारीले सेवन गरेको स्यानिटाइजरको ब्राण्ड पहिचान हुन नसकेको र अनुसन्धा भइरहेको प्रहरीले जनाएको छ ।


सम्बन्धित खबर


ताजा समाचार
लोकप्रिय