Hamro Biratnagar Media Network
05 Aug 2021२१ श्रावण २०७८, बिहीबार

मोरङ कांग्रेसले डायनियामा वीपी जयन्ती मनायो

2021-07-21 07-07 | Hamro Biratnagar                  

A+ A A-

विराटनगर, ६ साउन । नेपाली कांग्रेस मोरङले डायनियास्थित वीपी सेवा केन्द्रमा वीपी जयन्ती मनाएको छ । सेवा केन्द्र परिसरमा वृक्षारोपण गर्नुका साथै वीपीले देखाएको लोकतान्त्रिक समाजवादको बाटोको विषयमा छलफल गरिएको थियो।

पार्टीका जिल्ला सभापति डिकबहादुर लिम्बूले कांग्रेसको १४ औं महाधिवेशनको नजिकिएको सन्दर्भमा वीपी विचारको महत्व अझ बढेको चर्चा गरे । लिम्बूले भने,“जसले नयाँ विचार दिन सक्छ, बेरोजगार युवाको समस्या समाधान गर्ने र विकास दिन सक्नेलाई पार्टीको नेतृत्वमा लैजानु पर्ने आजको आवश्यकता हो ।” अहिलेको परिस्थितिमा वीपीले स्थापित गरेका मान्यताहरु थप महत्वपूर्ण भएको लिम्बूले बताए ।

पूर्वमन्त्री दिलिप गच्छदारले कांग्रेसले नै अबको नेतृत्व लिएर जनहितमा काम गर्नुपर्ने बताउँदै भने, ‘नयाँ संविधान कार्यान्वयन र गणतन्त्रको संस्थागत विकास अब कांग्रेसको नेतृत्वबाट सहज बन्नेछ ।’ पार्टीका जिल्ला उपसभापति शिवनारायण सिंह गनगाईले कांग्रेस लोकतन्त्रको पर्याय भएको बताए । वीपीले प्रतिपादन गरेका सिद्धान्तलाई व्यवहारिक रुपमा लागू गर्दै लैजानु कांग्रेसजनको पहिलो जिम्मेवारी भएको उनको जोड थियो ।

त्यस अवसरमा सेवा केन्द्रका नागेश्वर सिंहसहितका वक्ताले वीपीको विचारबाट कांग्रेस पछि हट्न नहुने बरु व्यवहारिक रुपमा कार्यान्वयन गर्दै लैजानु पर्ने सुझाव दिए ।


सम्बन्धित खबर


ताजा समाचार
लोकप्रिय