Logo

विराटनगरमा जसपा ठाकुर पक्षको अगुवा कार्यकर्ता भेला तथा प्रशिक्षण

Logo 2021-08-07 09-08    Hamro Biratnagar

विराटनगर, २३ साउन । जनता समाजवादी पार्टी नेपाल (जसपा) को आधिकारीकता उपेन्द्र यादव समुहले पाएपछि जिल्ला तहमा पनि त्यसको असर परेको छ । यादवले आधिकारीकता पाएपछि महन्थ ठाकुर र राजेन्द्र महतो समुह अहिले मधेश दौडाहमा छन् । उनीहरुले तराईका जिल्ला जिल्लामा कार्यकर्ता भेला गरिरहेका छन् ।

शनिबार ठाकुर महतो पक्षको अगुवा कार्यकर्ता भेला तथा प्रशिक्षण प्रदेश राजधानी विराटनगरमा सम्पन्न भएको छ । पार्टीका केन्द्रीय सदस्य अमरेन्द्रकुमार साहको प्रमुख आतिथ्यतामा प्रशिक्षण कार्यक्रम गरिएको हो ।

निर्वाचन आयोगले उपेन्द्र यादव पक्षलाई पार्टीको आधिकारिकता दिएपछि उत्पन्न अवस्थाबारे कार्यकर्तालाई जानकारी दिन कार्यकर्ता प्रशिक्षण कार्यक्रम गरिएको हो ।

ठाकुर पक्ष केन्द्रीय सदस्यहरुको उपस्थितिमा प्रशिक्षण कार्यक्रम गरिएको हो । सो बिषयमा जानकारी दिदै पार्टीका जिल्ला अध्यक्ष मोहम्मद कादिरले प्रशिक्षणका क्रममा आएका अगुवा कार्यकर्तालाई पूर्वप्रधानमन्त्री केपी शर्मा ओलीलाई समर्थन गर्नुपरेको आवश्यकताका बिषयमा प्रष्ट्याइएको बताए ।

यस्तै उपेन्द्र यादव पक्षले मधेश र मधेशीलाई भ्रमित गर्न खोजिरहेकाले उनको बिषयमा समेत भण्डाफोर गरिएको बताए । सो अवसरमा बोल्दै पार्टीका केन्द्रीय सदस्य लक्ष्मण साहुले निर्वाचन आयोगको निर्णयका बिषयमा सर्वोच्च अदालतमा मुद्दा चलिरहेकाले आफुहरु अहिले पनि जनता समाजबादी पार्टीमै रहेको बताए ।

उनले पार्टीका शीर्ष नेताहरुबीच सैद्वान्तिक लाइनमा मात्र विवाद रहेको बताए । कार्यक्रममा पार्टीका केन्द्रीय सदस्य तबरेज हक, शंकर साह, हिरा मण्डल, प्रदेश मजदुर अध्यक्ष राजु राजवंशी, प्रदेश सचिव माधव राजवंशी र ट्रेड युनियनका जिल्ला अध्यक्ष बब्लु श्रेष्ठ लगायतले बोल्लेका थिए । पार्टीको केन्द्रीय सर्कुलर अनुसार कार्यक्रम गरिएको अध्यक्ष कादीरले बताए ।

 


लोकप्रिय छुटाउनुभयो कि ?