Logo

कारबाही कार्यान्वयन नगर्न माग गर्दै माधव नेपालसहित १४ सांसद पुगे संसद सचिवालय

Logo 2021-08-18 03-08    Hamro Biratnagar

काठमाडौं, २ भदौ । नेकपा एमालेले गरेको कारबाही अवैधानिक रहेको भन्दै कार्यान्वयन नगर्न माग गर्दै माधवकुमार नेपालसहित १४ सांसद संसद सचिवालय पुगेका छन् ।

बुधबार संसद सचिवालय पुगेर सांसदद्वय जीवनराम श्रेष्ठ र विरोध खतिवडाले नेपालसहित १४ सांसदमाथि गरिएको कारबाही वैधानिक नभएकाले कार्यान्वयन नगर्न माग गरेका हुन् । उनीहरूले प्रतिशोधका आधारमा अवैधानिक रूपमा आफूहरूमाथि कारबाही गरिएको पनि बताएका छन् ।

सांसदद्वय श्रेष्ठ र खतिवडाले १४ जना सांसदको हस्ताक्षरसहितको पत्र पनि संसद सचिवालयमा बुझाएका छन् ।

यसअघि मंगलबार एमालेले पार्टी अनुशासनविपरीत काम गरेको भन्दै नेपालसहित १४ सांसदलाई सांसदबाट पदमुक्त गर्ने निर्णय गरेको थियो ।

एमालेले मंगलबार नै उनीहरूलाई कारबाही गरेको भन्दै संसद सचिवालय र निर्वाचन आयोगलाई पत्राचार गरेको थियो ।


लोकप्रिय छुटाउनुभयो कि ?