Logo

विराटनगरमा असोज पहिलो सातादेखि विद्यालय सञ्चालनको तयारी

Logo 2021-09-12 03-09    Hamro Biratnagar

फाइल तस्वीर

विराटनगर, २७ भदौ । विराटनगर महानगरपालिकाले असोज पहिलो साताबाट विद्यालय सञ्चालन गर्नसक्ने गरी आन्तरिक तयारी सुरु गरेको छ । महानगरको शैक्षिक प्रशासन महाशाखाले असोज महिनाको प्रारम्भबाट कक्षा ४ भन्दा माथि आलोपालो प्रणालीमा विद्यालय आंक्षिक रुपमा विद्यालय सञ्चालन गर्ने गर्ने तयारी गरेको महानगरका शिक्षा शाखा अधिृकत कृष्ण भट्टराईले जानकारी दिए ।

महाशाखाले सबै सामुदायिक विद्यालयहरुलाई परिपत्र गर्दै विद्यालय सञ्चालनको वातावरण तयार पार्न पूर्व तयारी स्वरुप विद्यालय व्यवस्थापन समिति, शिक्षक अभिभावकहरुसँग छलफल अन्तरक्रिया गरी कार्ययोजना तयार पार्न पनि विद्यालयहरुलाई निर्देशन गरेको छ ।

महानगरले कोभिड १९ को विषम परिस्थितिलाई मध्यनजर गर्दै विद्यालय तहको शैक्षिक सत्र २०७८ सञ्चालनका सम्बन्धमा शिक्षा समितिले गरेको निर्णयका आधारमा यस्तो परिपत्र जारी गरेको हो ।

परिपत्रमा विद्यालय प्रशासन पूर्णरुपमा खुला गर्न र दैनिक प्रशासन सम्बन्धी काम जारी राख्न भनिएको छ । यस्तै सबै शिक्षकलाई अनिवार्य विद्यालय पुगी विद्यार्थी सिकाइ सहजीकरण निर्देशिका २०७७ ले तोकेको विद्यार्थी भौतिक रुपमा नियमित उपस्थित पठनपाठन बाहेकका क्रियाकलाप सञ्चालन गर्न, अनलाइन कक्षालाई निरन्तरता दिन, छुट विद्यार्थी भर्ना गर्न, शैक्षिक तथ्यांक अद्यावधिक गर्न पनि निर्देशन गरेको छ । महाशाखाले भदौ मसान्तभित्रै नगर शिक्षा समितिको बैठक बसेर विद्यालय सञ्चालन तथा व्यवस्थापन सम्बन्धमा थप निर्णय गर्ने पनि जनाएको छ । कक्षा ४ देखि तलका विद्यार्थीहरुलाई भने घरबाटै पठन पाठन गर्नुपर्ने छ ।


लोकप्रिय छुटाउनुभयो कि ?