इलाम प्रतिनिधि सभा क्षेत्र नम्बर २ मा एमालेका उम्मेदवार सुहाङ नेम्वाङले मतान्तर फराकिलो बनाएका छन् । आइतबार दिउँसो १२ बजेबाट जारी मतगणनामा अहिले फाकफोकथुम गाउँपालिकाको मतगणना जारी छ ।
सुरुवाती २ वडामा कांग्रेसका डम्बरबहादुर खड्काले अग्रता बनाएको भए पनि वडा नम्बर ३ र ४ को मतगणनापछि एमालेका नेम्वाङ अघि लागेका हुन् ।
ताजा अवस्थामा एमाले उम्मेदवार सुहाङ एक हजार एक मतले अघि लागेका छन् । हालसम्मको मतगणनामा सुहाङले ३ हजार ७८३ मत पाएका छन् भने खड्काले २ हजार ७८२ मत पाएका छन्।
यस्तै, स्वतन्त्र उम्मेदवार डकेन्द्रसिंह थेगिमले ७८४ मत प्राप्त गर्दा रास्वपा उम्मेदवार मिलन लिम्बूले ५६१ मत प्राप्त गरेका छन्।
